Requiem For a Dream

Tuesday, March 06, 2007

Untitled

其實入返黎之前有啲膽心個 blog 會冇左,宜家發現好彩仲係度,完整無缺。原來對上一次認真 update 呢個 blog 已經係 06 年 1 月 30 號既事,話咁快又過左超過一年... 雖然分別係 06 年 6 月 30 號同 11 月 17 號都有 update,但性質都只係為左令個 blog 唔好因為太耐冇 update 而俾 Google close down。

點解咁耐冇寫無端端又寫返?我都唔清楚... 只係覺得有啲心事好想講但又唔知同邊個講,咁咪唯有寫出黎,寫完都係 nothing's solved,但起碼我個腦可以 move on 去諗第二啲野。或者應該咁講,一路諗一路寫出黎可以令我清楚自己究境諗緊啲乜,而唔係好多好多冇組織既思維,一次過一大堆諗法只會令自己越諗越亂,組織下再寫出黎我諗會俾到啲 direction 我,確定左自己煩緊啲乜就可以俾自己去諗解決方法,解決到既就去解決,解決唔到就由佢,總之 at the end of the day,都係想幫自己 move on。

當然,點解寫 blog 有好多原因,點解唔寫亦有好多原因... 寫既可能係想得到人地注意,唔夠膽冇機會講既可以寫出黎,或者可以 impress 到一兩個人... 又或者好似花樣年華咁,同揾個樹窿講哂啲野冇乜分別。唔寫既可能係因為根本冇野寫,又或者唔識寫,什至可能連寫都唔夠膽寫。Anyway,我諗寫 blog 既都唔係有啲心事就係有啲 insecure,唔寫既人其實可能都開心啲。呀唔應該咁講,寫開既雖然可能都係有啲心事,但一樣可以好開心,就好似我啱啱開似呢個 blog 既事候咁。

開始呢個 blog,停止寫呢個 blog,再寫返呢個 blog,都係因為同一個人...

對於寫 blog,其中有個 issue 我一直都冇固定立場,亦一直都係考慮中,就係應該用書面語定白話。今日我決定用白話因為我真係想最直接咁寫出自己諗乜,我係香港人,廣東話係我母語,it's that simple。又唔係要登報紙交功課,做乜要用書面語?

寫住咁多先。

0 Comments:

Post a Comment

<< Home